Almatyda mádenıet salasy qyzmetkerleriniń jalaqysy ósedi
Almaty máslıhaty osy jyldyń tamyz aıynan bastap Almaty qalasy mádenıet basqarmasynyń uıymdary men kásiporyndary qyzmetkerleriniń jalaqysyn 30%-ǵa ulǵaıtý týraly sheshim qabyldady.
Atap aıtar bolsaq, haıýanattar baǵy, tsırk, qýyrshaq teatry, «Alataý» dástúrli óner teatry, memlekettik muraǵat, kitaphana, mýzeıler birlestigi, «Almaty áýenderi» qyzmetkerleriniń eńbekaqysy ósedi. Qazirgi ýaqytta mádenıet salasy qyzmetkerleriniń ortasha jalaqysy – 138 myń teńge.
Almaty mádenıet basqarmasynyń habarlaýynsha, jalaqyǵa baılanysty jas mamandar jumystan jıi ketedi. Sondyqtan Almaty qalasy mádenıet basqarmasynyń uıymdary, kásiporyndary qyzmetkerleriniń laýazymdyq jalaqylaryna yntalandyrýshy ústemeaqylar belgileý máselesi Almaty qalasy máslıhatynyń qaraýyna usynyldy.