Almatyda lańkestikke qarsy oqý-jattyǵý sharasy ótip jatyr
09:29, 20 Qarasha 2017
ALMATY. QazAqparat - Almatyda Rozybakıev kóshesinde ornalasqan «Mega Alma-Ata» saýda úıinde lańkestikke qarsy oqý-jattyǵý sharalary ótip jatyr, dep habarlaıdy QazAqparat tilshisi.
Qalalyq ІІD baspasóz qyzmeti taratqan aqparatqa sáıkes, quqyq qorǵaý organdary lańkestik bola qalǵan jaǵdaıda adam kóp shoǵyrlanǵan jerde qalaı áreket etý daǵdysyn pysyqtap jatyr.
Sonymen qatar, oqý jattyǵý sharalary kezinde saýda úıiniń mańaıynda shekteý sharalary qabyldandy.
«Qala turǵyndary men azamattaryna túsinistik tanytýlaryn ótinemiz. Sonymen qatar, júrgizýshiler jol marshrýtyn aldyn ala josparlap shyqsyn. Zań ókiliniń aıtqanyna baǵynbaǵan azamattar QR ÁQK 443-babyna sáıkes ákimshilik jazaǵa tartylatynyn eskertemiz», - dedi baspasóz qyzmetinen.