Almatyda «qyzyl» mártebesi bar 2 188 adamǵa aıyppul salyndy

ALMATY. QazAqparat - Almaty qalasy Sanıtarlyq-epıdemıologııalyq baqylaý departamenti basshysynyń orynbasary Sádýaqas Baıǵabulov onlaın brıfıng barysynda 2 188 almatylyq eki aptalyq úı karantınin buzǵanyn málim etti, dep habarlaıdy QazAqpara tilshisi.

Sádýaqas Baıǵabulovtyń aıtýynsha, Almatydaǵy Ashyq júıesindegi QR kodyn skanerleý nátıjesi boıynsha «qyzyl» mártebesi bar 2 188 azamat anyqtaldy. Barlyq tártip buzýshy ÁQBtK-niń 425-babynyń 1-bóligine sáıkes 30 AEK (87 510 teńge) kóleminde aıyppul tóledi.

Sonymen qatar, sary kontaktilerge 750 oqshaýlaý týraly eskertý berildi. Ashyq derekkózderde 2024 karantın buzýshynyń aty-jóni jarııalandy.

«Almatyda Ashyq jobasymen barlyǵy 10 045 qatysýshy jumys isteıdi, sonymen qatar 12805 erikti qatysýshylar bar», - dedi spıker.

Ol sondaı-aq 500 nysannyń Almatydaǵy jobanyń kóshbasshylary ekenin jetkizdi.

«Jetekshi kásiporyndar ýaqytsha úlken artyqshylyqtarmen jumys isteıdi. Alaıda, eger tirkelmese, bul mártebeden aıyrylý ońaı. Aldymen mártebe bir aptaǵa, qaıtalap buzylǵan jaǵdaıda - eki aptaǵa, al úshinshi buzýshylyqpen - bir aıǵa toqtatylady»,- dedi ol.

Almaty SEBD ókili Ashyq jobasy bastalǵaly beri megapolıstiń 11 060 turǵyny oqshaýlaý rejımin buzyp, jobada jumys isteıtin nysandarǵa barýǵa tyrysqanyn tilge tıek etti.

Aıta keterligi, Ashyq obektilerinde kire beriste skanerleý kezinde - 9 999 turǵyn «qyzyl», 1 061 turǵyn «sary» mártebege ıe bolǵan.

Skanerleý kezinde ózin-ózi oqshaýlaý rejımin buzýshylardyń kópshiligi qoǵamdyq tamaqtaný oryndarynda, saýda jáne oıyn-saýyq ortalyqtarynda, saýda úılerinde, bazarlarda, dúkenderde, áýejaılarda jáne fıtnes-ortalyqtarda kezdesedi.

Sanıtarlyq-epıdemıologııalyq basqarmanyń málimeti boıynsha, 2021 jyldyń 1 qańtary men 28 qyrkúıegi aralyǵynda 41 062 kásipkerlik obektileri tekserilip, karantındik sharalardy buzǵan 3929 nysan anyqtaldy.

6132 hattama jasaldy, onyń ishinde zańdy tulǵalarǵa 236 mln teńge somasynda 675 hattama, jeke tulǵalarǵa qatysty maska rejımin buzǵany úshin 24045 teńgege 5457 hattama toltyryldy.

Karantın talaptaryn jıi buzýshylarǵa qarsy 76 materıal sotqa berildi, 44 obekt sotpen toqtatyldy.

«Tamyz aıynan bastap chekter kúndizgi jáne túngi bolyp bólindi. Sonymen qatar, qoǵamdyq kólikterde monıtorıng júrgiziledi. Tekserýshiler maska rejımin saqtamaıtyn júrgizýshiler men jolaýshylardy anyqtaıdy. Jalpy esepti kezeńde qoǵamdyq kólikte betperdesiz 159 adam anyqtaldy», - dedi Sádýaqas Baıǵabulov.

Almaty qalasy SEBD basshysynyń orynbasary megapolıstegi epıdemıologııalyq jaǵdaı ázirge turaqsyz ekendigin, qalada kún saıyn 400-den astam KVI ınfektsııasynyń jaǵdaıy anyqtalatynyn, ortasha jáne aýyr koronavırýspen aýyratyn 200 adamǵa deıin aýrýhana tósegine jatatynyn eske saldy.

Osyǵan baılanysty, Almaty qalasynyń turǵyndary men qonaqtary, sondaı-aq kásipkerlik nysandary sanıtarlyq normalar men karantın talaptaryn qatań saqtap, adam kóp shoǵyrlanatyn jerden aýlaq bolýlary kerek.

Shekteý sharalaryn elemeý men bilmeý aýrýdyń órshýine ákeledi.