Almatyda Qyzyl Aı qoǵamy Jańa jyl merekesine oraı qaıyrymdylyq aktsııa ótkizdi
dep habarlaıdy QazAqparat.
Qyzyl Aı qoǵamy men «Qazaqstan - Koreıa» dostyq qoǵamdarynyń birigip uıymdastyrýymen ótken aktsııaǵa Almaty qalasynyń 40-tan asa jaǵdaıy tómen zeınetkerler men múgedekter, áleýmettik jaǵdaıy nashar turǵyndar shaqyrylǵan. AQSh-tyń «Mahabbat» atty respýblıkalyq qaıyrymdylyq ortalyǵynyń prezıdenti Sara Baıktiń demeýshiligimen olarǵa qalamyzdyń iri meıramhanasynda jańa jyldyq dastarhan jaıylyp, syılyqtar tabystaldy.
«Ózderińiz biletindeı, biz mundaı sharalardy jyl boıy ótkizip turamyz. Bul aktsııa Koreıa, Amerıka, odan basqa da halyqtar arasyndaǵy halyqtar dostyǵyn nyǵaıtýǵa septigin tıgizedi dep oılaımyn. Sondaı-aq negizgi maqsatymyz - qart analarymyz ben atalarymyzǵa jańa jyl aldynda qýanysh syılaý bolyp tabylady», dedi Qyzyl Aı qoǵamynyń tóraıymy Darıko Hasanǵalıeva. Onyń aıtýynsha, búgingi aktsııaǵa demeýshilik kórsetip otyrǵan amerıkanyń qaıyrymdylyq ortalyǵy birneshe jyldan beri ár túrli qaıyrymdylyq aktsııalardy ótkizip turýda qoldaý kórsetip keledi.