Almatyda qyzdar men uldarǵa jıi qoıylatyn esimder belgili boldy

ALMATY. QazAqparat- Óńirlik kommýnıkatsııalar qyzmetinde ótken brıfıngte qalalyq Ádilet departamentiniń ókili Lázzat Sydyqova megapolıste qyzdar men uldarǵa jıi qoıylatyn esimderdi atady, dep habarlaıdy QazAqparat tilshisi.

Tirkeý qyzmeti salasyndaǵy ádistemelik qamtamasyz etý jáne baqylaý basshysynyń mindetin atqarýshy Lázzat Sydyqovanyń aıtýynsha, bıyl balalarǵa arab esimderin qoıý jıilegen. Ata-analar arab tilinen aýdarǵanda maǵynasy bar esimderdi tańdaýǵa tyrysady.

«2022 jyly tanymal esimder negizinen - Abaı, Omar, Islam, Mark, Muhammed, Álı, Alan, Hamza. Qyzdarǵa Tomırıs, Eligaı, Zere, Toǵjan, Amelııa, Ramına esimderin jıi qoıady. Al úshemder arasynda Qasym, Jomart, Kemel atty esimder de kezdesip jatady», - deıdi Lázzat Sydyqova.

Aıtýynsha, ázirge AHAT organdaryna jaqynda ótken saılaý qurmetine óz balalaryn Saılaý dep ataýǵa ótinishter túspegen.

Eske salaıyq, Almatyda saılaý kúni 60 bala dúnıege kelgen. Onyń 26-y ul bala, 34-i qyz bala.