Almatyda «Qyz Jibek» operasy qoıyldy

ALMATY. QazAqparat - Abaı atyndaǵy Qazaq ulttyq akademııalyq opera jáne balet teatrynda Qazaqstannyń halyq ártisi Baqyt Áshimovanyń týǵanyna 85 jyl tolýyna oraı Evgenıı Brýsılovskııdiń «Qyz Jibek» operasy qoıyldy, dep habarlaıdy QazAqparat tilshisi.

«Qyz Jibek» operasyndaǵy basty rólderdi Áıgerim Sháripbek (Jibek), Bolat Qanaǵatov (Tólegen), Esengeldi Rza (Bekejan) oınasa, spektakldegi Qamqa partııasyn Baqyt Áshimovanyń shákirti QR eńbek sińirgen qaıratkeri Dına Hamzına somdady.

Baqyt Áshimovanyń shyǵarmashylyq ómiri 30 jyldan astam Abaı atyndaǵy Qazaq memlekettik akademııalyq opera jáne balet teatrymen tyǵyz baılanysta boldy.

Baqyt Áshimova qazaq jáne shetel klassıkasynyń opera spektaklderinde kóptegen partııalardy oryndady.

Onyń E.Brýsılovskııdiń «Qyz Jibek» operasyndaǵy Qamqa, A.Jubanov pen L.Hamıdıdiń «Abaı» operasyndaǵy Qarlyǵash, B.Jumanııazovtyń «Mahambet» operasyndaǵy Fatıma, M.Tólebaevtyń «Birjan-Sara» operasyndaǵy Analyq, S.Muhamedjanovtyń «Aısulý» operasyndaǵy Nursulý, E.Rahmadıevtiń «Qamar sulý» operasyndaǵy beıneleri shyǵarmashylyq qyzmetiniń shyrqaý shyńy boldy.

Qurmetti demalysqa shyqqannan keıin Baqyt Áshimova óziniń shyǵarmashylyq qyzmetin Abaı atyndaǵy Qazaq ulttyq akademııalyq opera jáne balet teatrynda repetıtor-ustaz retinde jalǵastyrdy.

Baqyt Əshimovanyń shəkirtteri Qazaqstan qalalarynda ǵana emes, shet elderde de jemisti eńbek etip, óner kórsetip júr.

Onyń kópshilikti súı̆sindirgen əsem daýysy, tabıǵı sheberligi klassıkalyq jəne halyqtyq mýzykany súı̆etin kórermenderiniń júreginde məńgi qalady.

Eske salaıyq, Baqyt Áshimova osydan on bir jyl buryn 75 jasqa qaraǵan shaǵynda ómirden ozǵan bolatyn.