Almatyda qysh músinder men baqsylardyń kıimderi kórmege qoıyldy

ALMATY. QazAqparat - Almatyda jas sýretshiler «Týǵan jer murasy» qoldanbaly óner kórmesinde biregeı jumystaryn tanystyrdy, dep habarlaıdy QazAqparat tilshisi.

Kórme «Rýhanı jańǵyrý» baǵdarlamasy aıasynda Almaty qalalyq mýzeıinde ótti.

Ekspozıtsııada saq dáýirinen bastap qazirgi zamanǵa deıingi kezeń týraly jumystar, bizben kestelengen gobelender, qyshtan jasalǵan músinder, baqsylardyń kıimderi qoıylǵan.
 

 

 
 

«Munda Almatydaǵy O.Tańsyqbaev atyndaǵy dekoratıvti qoldanbaly óner kolledjiniń stýdentteri daıarlaǵan ár buıym tarıhtyń tylsym syrlaryn jetkizedi. Oqý ornynyń qazaq tarıhy men qazaq mádenıetin dáriptep otyrǵany qýanarlyq nárse», - dedi Jas sýretshiler ortalyǵynyń dırektory Krıstına Bekmýrzaeva.
 

Aıta ketý kerek, bul qazaqtyń dástúrli qolónerine arnalǵan kórmeler serııasynyń alǵashqysy bolyp otyr.