Almatyda qylmystyq toptyń ustalýy: avtomat, granata, atys qarýlary jáne esirtki tárkilendi

ASTANA. QazAqparat - UQK jedel qyzmetkerleri arnaýly maqsattaǵy bólimsheni jumyldyra otyryp Almaty qalasynda qoǵamǵa qaýipti uıymdasqan qylmystyq top áreketiniń jolyn kesti, dep habarlaıdy QazAqparat.

Arnaıy operatsııa barysynda uıymdasqan qylmystyq toptyń (UQT) 5 belsendi múshesi ustalyp, olardan Kalashnıkov avtomaty, Makarov tapanshasy, jaýyngerlik granata, tegis uńǵyly «sholaq» myltyq jáne sıntetıkalyq sıpattaǵy esirtki zaty tárkilendi.

Top músheleri densaýlyqqa aýyr zııan keltirý, asa iri kólemde esirtki zatyn satý maqsatynda saqtaý, qarý men oq-dárini zańsyz tasymaldaý jáne saqtaý qylmystaryn jasady degen kúdikke ilingen.

Úsh kúdikti tergeý sotynyń ruqsatymen qamaýǵa alynyp, qalǵandaryna qatysty qajetti tergeý is-qımyldary júrgizilýde.

Qoldanylǵan sharalar Almaty qalasynyń qylmystyq ahýalyn jaqsartýǵa jáne qylmystyq ortanyń qoǵamǵa áserin álsiretýge baǵyttalǵan.

Jedel-tergeý is-sharalary jalǵasýda.

Qylmystyq-protsessýaldyq kodekstiń 201-babyna sáıkes ózge aqparat tergeý múddesine saı jarııa etilmeıdi.

Konstıtýtsııanyń 77-baby 3-tarmaǵy 1-tarmaqshasyna jáne Qylmystyq-protsessýaldyq kodekstiń 19-baby 1-bóligine sáıkes adamnyń kináli ekendigi zańdy kúshine engen sot úkimimen tanylǵansha ol jasalǵan qylmysqa kináli emes dep esepteledi.