Almatyda KVI juqtyrǵandar sany ósip jatyr
Sanıtarlyq-epıdemıologııalyq baqylaý departamentiniń málimetinshe, sońǵy táýlikte Almatyda koronavırýs ınfektsııasynyń 360 jaǵdaıy tirkelgen.
KVI-ge qatysty epıdemıologııalyq ahýal Almatyda 2 naýryzdan bastap baǵalaý matrıtsasynyń «sary» aımaǵyna, al 10 naýryzdan bastap «qyzyl» aımaǵyna ótti.
Epıdemııa bastalǵannan beri koronavırýs ınfektsııasynyń 27 361 jaǵdaıy (100 myń turǵynǵa shaqqanda 1 344,7), sondaı-aq 1666 koronavırýs pnevmonııasy tirkeldi.
KVI aýrýynyń ósýi 3 naýryzda bastaldy. Sol kezde táýligine 121 aýrý tirkelip, 13 naýryzda kúnine 360 jaǵdaıǵa jetti. Sonymen qatar, PTR analızderiniń sany ótken aımen salystyrǵanda ósti. Táýligine test tapsyrýshylar sany 5 100-den 6 058 deıin artty.
13 naýryzda anyqtalǵan 360 koronavırýs ınfektsııasynyń 359-y jergilikti, 1-i Ystanbuldan kelgen. 269-y sımptomady, al 91-i sımptomsyz. Búginde juqpaly aýrýlar aýrýhanalarynda 1287 adam (57 bala) jatyr, onyń 14-i óte aýyr, 131-i aýyr, 1142-i ortasha aýyrlyq dárejesinde. Ókpeni jasandy jeldetý apparatynda 7 naýqas jatyr.
Sońǵy 7 kúnde aýrý deńgeıi 61,2 qurady, reprodýktıvti sany R - 1,3. Ótken táýlikte KVI-men 360 jaǵdaı tirkeldi.
Naýryzda KVI epıdemııasynyń ósý tendentsııasy baıqalady. Máselen, aqpannyń birinshi aptasynda 770 oqıǵa, ekinshi - 740, úshinshi - 721, tórtinshi - 714 jaǵdaı tirkeldi. Naýryzdyń birinshi aptasynda 923 jaǵdaı tirkeldi, 8-13 naýryz aralyǵynda - 1 365 jaǵdaı.
Epıdemıologııalyq zertteýler ınfektsııanyń naqtyly jáne yqtımal oshaqtaryn anyqtady. Demek, aýrý otbasy múshelerinen - 36%, eńbek ujymdarynan - 6%, jaısyz elderge barǵan sheteldik saparlardan 2% juqqan.
Mektepterde 1-5 synyptardan bastap oqýdyń bastalýyna baılanysty 14 jasqa deıingi balalar arasynda ınfektsııa 22,4%-ǵa ósken.
Sonymen qatar, KVI ósýine sımptomsyz naýqastardyń ózin-ózi oqshaýlaý rejımin buzatyn jaýapsyz minez-qulqy yqpal etedi. Mekenjaılaryna baryp teksergen kezde 76 naýqas jáne olarmen baılanysta bolǵandar karantın rejımin buzǵan jáne úılerinde bolmaǵany anyqtaldy. Al baılanysta bolǵan 7 adam jumysta bolǵan.
Osyǵan baılanysty Almaty qalasy sanıtarlyq-epıdemıologııalyq baqylaý departamentiniń mamandary megapolıs turǵyndaryn baılanysty shekteýge jáne sanıtarlyq qaýipsizdik sharasyn qatań saqtaýǵa shaqyrady. Bul maska kııý, qolǵa antıseptık jaǵý, qoǵamdyq oryndarǵa barǵanda áleýmettik araqashyqty saqtaý.
«Osy usynystar saqtalmaǵan jáne mereke kúnderi baılanystar kóbeıgen jaǵdaıda, KVI jaǵdaıynyń kúrt shıelenisýi jáne aýrý sany ósýi múmkin. Nátıjesinde juqpaly aýrýlar aýrýhanalaryna júkteme artyp, kásiporyndar men uıymdarda karantın sharalary kúsheıtiledi. Jaǵdaıdyń nasharlaýyna jol bermeý bizdiń ortaq múddemiz. Barlyǵyna jaýapkershilik ári saqtyq tanytý, týystary men dostaryna sanıtarlyq qaýipsizdik erejelerin saqtaý qajettigin eskertý qajet. Bul bizdiń bir-birimizdi qorǵaýdyń, densaýlyǵymyzdy saqtaýdyń jalǵyz joly», - dedi Almaty qalasy Sanıtarlyq-epıdemıologııalyq baqylaý departamenti basshysynyń orynbasary A. Qalyqova.