Almatyda qýyrshaq teatry «Naýryz dýmanyn» ótkizdi

ALMATY. QazAqparat - Almaty memlekettik qýyrshaq teatry «Naýryz dýmany» merekelik kontsertin ótkizdi. Bul týraly mekemeniń bas ákimshisi Erbolat Qaıryshev aıtty.

Onyń aıtýynsha, sońǵy aptada óner trýppasy spektaklderin óz sahnalarynda ótkizip kelse, búgin ártister qalany aralap ketti. Negizinen ártisterdiń ónerine ortalyq saıabaqqa jınalǵan qaýym kýá boldy. Qýyrshaq teatrynan Qydyr ata, Kóktemqyz, qazaq ertegileriniń keıipkerleri Qańbaqshal, Tazsha bala, Jeztyrnaq, Qara dáý, Aldar kóse óner kórsetti. Ártister qazaqtyń salt-dástúrlerin ǵana kórsetpeı, kórermenderdi qoıylymǵa qatystyryp, birge án men kúı shyrqady. «Qazaqstan azamattary úshin Naýryz meıramynyń jóni erekshe. Bul kóktem men jańarýdyń ýaqyty. Naýryz - birlik pen mahabbattyń, tatýlyq pen qonaqjaılylyqtyń nyshany. Biz ulystyń uly kúniniń osy ereksheligin baǵdarlamamyzda kórsetýge tyrystyq», - dedi E. Qaıryshev