Almatyda qurylystyń seısmıkalyq turaqtylyǵyna qoıylatyn talaptar kúsheıedi - Erbolat Dosaev

ALMATY. QazAqparat- Almatyda qurylystyń seısmıkalyq turaqtylyǵyna qoıylatyn talaptar kúsheıtiledi. Bul týraly Erbolat Dosaev Jetisý aýdanynyń turǵyndarymen kezdesýinde aıtty, dep habarlaıdy QazAqparat tilshisi.

Almaty ákimimen kezdesýge kelgen Jetisý aýdany turǵyndarynyń biri barlyq kópqabatty ǵımarattardy Almatydan Gate City-ge kóshirýdi usyndy. Bul seısmıkalyq qaýiptilikke jáne ınfraqurylymǵa túsetin júktemege qatysty.

Ákim Erbolat Dosaev qalada ǵımarattaryń bıiktigine shekteý qoıylǵanyn aıtty.

«Ózderińiz bilesizder, Almatyda joǵary seısmıkalyqty eskere otyryp, búkil postkeńestik keńistikte arnaıy standarttar shyǵaratyn jáne bizde qurylys úshin arnaıy tehnıkalyq sharttar beretin biregeı, jalǵyz ınstıtýt - QazQSǴZI bar. Biz qazirdiń ózinde eń seısmıkalyq belsendi aımaqtaǵy qalanyń joǵarǵy bóliginde ǵımarattyń qabattylyǵyn shektedik, olar 9 qabattan aspaıtyn bolady. Bul máselelerdiń barlyǵy ózderińizben birge talqylaǵan Bas jospar jobasynda da eskerilgen Joba bekitilgen kezde máseleniń bári anyqtalady»,- dedi qala basshysy.

Sonymen qatar ol keshe Memleket basshysy «Almaty qalasynyń erekshe mártebesi týraly» zań arqyly qurylys pen jer silkinisine tózimdilikke baılanysty talaptardy kúsheıtetin tásildi maquldaǵanyn jetkizdi.

«Kóktemgi máslıhat sessııada bul jumysty bastaımyz dep úmittenemin, máslıhat depýtattary bizdi qoldaıdy jáne bizde qalanyń ózi standarttarǵa qatysty erekshe jaıttardy baqylaıtyn bolady. Tıisti normalar engiziledi jáne kúzden bastap qoldanylady dep úmittenemin. G4 damıdy jáne qala oǵan kómektesedi. Men, shyn máninde, aqylǵa qonymdy qurylysty qalaımyn, alaıda qala ósip keledi, mıgratsııa barǵan saıyn artýda»,- deıdi Erbolat Dosaev.