Almatyda qurylysta sapasyz materıal qoldanǵan kompanııaǵa 6,5 mln teńge aıyppul salyndy

ALMATY. QazAqparat – Almatyda №9 mektep-ınternatty salýmen jáne seısmıkalyq kúsheıtýmen aınalysatyn merdiger kompanııaǵa 6,5 mln teńge aıyppul salyndy, dep habarlaıdy QazAqparat tilshisi.

Almaty qalasy ákiminiń orynbasary Asqar Ámrınniń sózinshe, atalǵan nysan boıynsha qurylys-montaj jumystary 2021 jyldyń shildesinde bastalyp, ótken jyldyń qarasha aıynda aıaqtalýy tıis bolatyn.

Tekserý barysynda merdiger kompanııanyń sapasy syn kótermeıtin materıaldar qoldanǵany belgili boldy.

«Barat & Co» JShS merdigerlik uıymyna qatysty jumys óndirisiniń buzylýy jáne sapasyz materıaldardy qoldaný faktileri boıynsha 2022 jylǵy jeltoqsanda Almaty ákimdigi sotqa talap aryz berdi. Almaty qalasynyń mamandandyrylǵan aýdanaralyq ekonomıkalyq sotynyń sheshimimen «Barat & Co» JShS merdigerine 6,5 mln teńge aıyppul salyndy»,- dedi ol.

Sonymen qatar, merdiger uıymǵa 2023-2024 jańa oqý jylyna barlyq jumystardy aıaqtaý tapsyryldy.

«Búginde nysan 99%-ǵa daıyn. Injenerlik jelilerdi qurylys alańynyń astynan, syrtqy qabyrǵalar men ishki bólimderden kóshirý boıynsha jumystar aıaqtaldy, árleý jumystary, tereze bloktary, shatyr, syrtqy qasbet jáne aýmaqtyń perımetri boıynsha qorshaýlar ornatyldy, sýmen jabdyqtaý, sý burý jáne jylýmen jabdyqtaýdyń ınjenerlik jelileri qosyldy»,- dep atap ótti Asqar Ámrın.