Almatyda qurylys zattaryn satatyn dúken órtendi

ALMATY. QazAqparat - Almatyda qurylys zattaryn satatyn dúken otqa orandy. Órt sóndirýshiler qyzyl jalyndy 20 mınýttiń ishinde sóndirdi, dep habarlaıdy QazAqparat tilshisi.

Almaty qalalyq Tótenshe jaǵdaılar departamentiniń málimetinshe, búgin 16:16-lar shamasynda órt sóndirý brıgadasy Túrksib aýdany «Qaırat» yqsham aýdany, Túrkistan kóshesi 27, mekenjaıyna joǵary rang boıynsha shyqty.
«Oqıǵa ornyna 6 mınýtta kelgen órt sóndirýshiler qurylys materıaldaryn satatyn dúken aýmaǵynyń 150 sharshy metr jeri ashyq jalynmen janyp jatqanyn anyqtady. Qabyldanǵan sharalarmen 16:33-te órtti aýyzdyqtaýǵa qol jetkizilip, 16:42-de joıyldy»,- dep habarlady departamentten.
Qazirgi ýaqytta, úıindilerdi bólshekteý, tutanyp turǵan qurylymdarǵa sý tógý jumystary júrgizilýde.
Atqarylǵan sharalarmen taýarlyq-materıaldyq qundylyqtary bar kórshi saýda núktelerine ottyń taralýyna jol berilmedi.