Almatyda qurylys halyqtyń tyǵyzdyǵyn eskere otyryp júrgiziledi

ALMATY. QazAqparat – Almaty qalalyq josparlaý jáne ýrbanıstıka basqarmasynyń basshysy Almashan Ahmedjanov onlaın brıfıng barysynda megapolıste turǵyndardyń tyǵyzdyǵyn eskere otyryp, úı salýǵa qoıylatyn talaptar týraly aıtty, dep habarlaıdy QazAqparat tilshisi.

Búgin qalalyq máslıhattyń VIІ shaqyrylymdaǵy kezekten tys VI sessııasynda Almaty ákimi Baqytjan Saǵyntaevtyń tapsyrmasy boıynsha ázirlengen «Qalanyń sáýlettik kelbetin qalyptastyrý jáne qala qurylysyn josparlaý erejeleri» qabyldandy.

Almashan Ahmedjanovtyń aıtýynsha, halyqtyń tyǵyzdyǵy kvartaldy qurylys barysynda 1 gektarǵa 440 adamnan aspaıtyn bolyp esepteledi, al tarıhı ortalyqtaǵy qurylysta gektaryna 300 adamnan aspaýy tıis.

Bul jaǵdaıda tyǵyzdyqty birmezgildiktik sharttardy saqtaı otyryp, 20%-ǵa arttyrýǵa bolady, olar mynalar:

- jetkilikti ınjenerlik ınfraqurylymnyń bolýy;

- kólikke qoljetimdilik, jerasty jáne (nemese) kópdeńgeıli t parkıngter;

- salynǵan jáne japsarlas salynǵan balabaqshalar men mektepke deıingi mekemeler;

- jer silkinisi kezinde jınalýǵa arnalǵan oryndar men qadamdyq qashyqtyqta normatıvtik qaýipsizdik aıasyndaǵy jasyl aımaqtar;

- jaıaý qashyqtyqtaǵy orta mektepterdegi oryndarmen qamtamasyz etýdiń jetkilikti deńgeıi;

- 500 metrden aspaıtyn radıýsta kúndelikti qyzmet kórsetý nysandarynyń bolýy;

- halyqtyń sanıtarlyq-epıdemıologııalyq salaýattylyǵy salasynda normatıvtik-quqyqtyq aktilerge jáne azamattyq qorǵaý salasyndaǵy normatıvtik-tehnıkalyq qujattarǵa sáıkes jáne turǵyndarǵa shaqqanda úı janyndaǵy aýmaqtyń 10 sharshy metr (turmystyq jáne rekreatsııalyq qajettilikterge arnalǵan alańdardy, avtoturaqtardy, abattandyrý men kógaldandyrýdy eskere otyryp) bolýy saqtalýy tıis.