Almatyda Qurandy qorlaǵan qyz ben jigit ustaldy
Almaty qalalyq polıtsııa departamentiniń málimetinshe, áleýmettik jelide júrgizilgen monıtorıng kezinde kelinshektiń mas kúıinde Qurandy balaǵattap jatqan vıdeosy áshkere boldy. Er adam kadr syrtynda onymen qosylyp ázildesken.
«Tekserý is-sharalary barysynda túsirilimniń qatysýshylary anyqtaldy. Olar - 1998 jyly týǵan T. esimdi azamatsha men 1996 jyly týǵan L. esimdi azamat. Olardyń áreketteri QR ÁQbK-niń 490-baby 2-bólimi (Senýshilerdiń sezimin qorlaý) boıynsha kvalıfıkatsııalanǵan. Óndiristik materıal sheshim qabyldaý úshin qalalyq Din isteri basqarmasyna jiberiledi», – dedi Almaty qalalyq PD Ekstremızmge qarsy kúres basqarmasynyń basshysy Máýlen Qasymjan.
Sonymen qatar, quqyq buzýshy ókinetinin aıtyp, Qazaqstan halqynan keshirim surady.
«Kishigirim otyrys boldy, biz alkogoldik ishimdik ishtik. Nátıjesinde ishimdikke mas kúıimde oılanbaı áreket jasadym. Qasıetti Quran kitabyn qolyma alyp, paraqshama vıdeo túsirdim. Men óz kinámdi bilemin. Búkil jamaǵattan, ásirese musylmandardan keshirim suraǵym keledi. Men sizderdiń dinderińizdi qatty qurmetteımin. Bul endi eshqashan qaıtalanbaıdy. Shyn júrekten keshirim suraımyn», – dedi T. esimdi azamatsha.