Almatyda kún saıyn 866 arnaıy tehnıka men 1413 jumysshy kóshelerdi tazalaıdy

ALMATY. QazAqparat - Almatyda táýligine 5 myń tekshe metr sý joldar men trotýarlardy jýýǵa ketedi. Bul týraly Almaty qalasy ákimdiginen málim etti, dep habarlaıdy QazAqparat tilshisi.

Ákimdiktiń málimetinshe, Almatyda joldar negizinen túnde nemese tańerteń jýylady. Bul jaıaý júrginshilerge kedergi keltirmeıdi jáne avtokólik dóńgelekterinen qoqystyń taralýyn azaıtady. Joldar men trotýarlardy jýý úshin ámbebap tehnıka qoldanylady.

Kún saıyn 1 400 jol jumysshysy qalany sypyryp, tazalaıdy, súrtedi.

«Men bul jumysty qala turǵyndary men qonaqtary baǵalaǵanyn qalaımyn. Kóshelerde qamtamasyz etiletin tártip pen tazalyq qala turǵyndarynyń ózderinen uqypty qarym – qatynasty talap etedi», - dep sanaıdy kommýnaldyq ınfraqurylymdy damytý basqarmasy basshysynyń orynbasary Dýlat Ashkenov.

Aıta keteıik, kún saıyn qala kóshelerinde 866 birlik arnaıy tehnıka, 1413 jol tazalaýshy jumysshy jumys isteıdi.

Olar 2318 kóshe nemese 2706 km jol, 1303 km trotýar tazalaıdy, kún saıyn 90 tonna qoqys shyǵarady.

Sondaı-aq, 1167 km aryqtardy 60 birlik arnaıy tehnıka men 300 jol jumysshysy tazalaıdy.