Almatyda QR Úkimetiniń basshysy Halyqaralyq ІT-ýnıversıtette boldy

LMATY. Naýryzdyń 23-i. QazAqparat /Danııar Sıqymbaev/ - Almatyǵa jumys sapary aýqymynda seıseni kúni, naýryzdyń 23-inde QR Premer-Mınıstri Kárim Másimov Halyqaralyq aqparattyq tehnologııalar ýnıversıtetinde boldy.

Halyqaralyq ІT-ýnıversıtet ótken jyly Elbasy Nursultan Nazarbaevtyń tapsyrmasymen ashylǵan bolatyn. Joǵary oqý orny memlekettik-jeke menshik áriptestik negizinde qurylǵan. Memleket tarapynan quryltaıshy - «Zerde» Ulttyq aqparattyq-kommýnıkatsııalyq holdıngi, al jeke sektor tarapynan - Halyqaralyq bıznes ýnıversıteti (UIB).

Ýnıversıtet rektory Damır Shynybekovtiń aıtýynsha, jańa joǵary oqý orny Qazaqstannyń jedeldete ındýstrııalyq-ınnovatsııalyq damýyna járdemdesetin bolady.

Halyqaralyq ІT-ýnıversıtet respýblıkany álemdik dárejedegi ІT-mamandarmen qamtamasyz etedi. «Bizdiń áriptesimiz iCarnegie, bul Carnegie Mellon (SShA) ýnıversıtetiniń qurylymdyq bólimshesi. Carnegie Mellon - baǵdarlamalaý jónindegi álemdegi №1 ýnıversıtet. Biz ІT-mamandar daıarlaý jónindegi olardyń oqý baǵdarlamalaryn aldyq. Qazir bizde tórt mamandyq - aqparattyq júıeler, esepteý tehnıkasy jáne baǵdarlamalyq qamtamasyz etý, aqparattaný jáne ІT-menedjment ashylǵan. Bıyl qosymsha ІT-tegi qarjy, telekommýnıkatsııa jáne ІT-jýrnalıstıka mamandyqtaryn ashýdy josparlap otyrmyz», - dedi rektor.

Búgingi tańda ýnıversıtette 377 adam oqıdy, olardyń 300-i memleketter granttar boıynsha bilim alýda.