Almatyda QR Prezıdenti janyndaǵy Jastar saıasaty jónindegi keńestiń ІH otyrysy ótedi
dep habarlady QR Baılanys jáne aqparat mınıstrliginiń baspasóz qyzmeti.
QR Premer-Mınıstri Keńsesiniń basshysy Ǵabıdolla Ábdirahymovtyń tóraǵalyǵymen ótetin alqaly jıynǵa keńes músheleri, Astana qalasynyń, oblys ákimderiniń janyndaǵy Jastar isteri jónindegi keńesterdiń hatshylary, QR Prezıdenti Ákimshiligi men Premer-Mınıstri Keńsesiniń qyzmetkerleri, Almaty qalasy ákimdigi qurylymdyq bólimsheleriniń basshylary, jastar uıymdary men BAQ ókilderi qatysady.
Otyrys barysynda «Jastar saıasaty salasyndaǵy normatıvtik quqyqtyq bazany jetildirý týraly» QR Bilim jáne ǵylym mınıstrliginiń jaýapty hatshysy B.Ábdirásilovtyń, «Aýyldyń gúldenýi - Qazaqstannyń gúldenýi» marafon-estafetany iske asyrý qorytyndysy týraly» QR Bilim jáne ǵylym mınıstrligi Jastar saıasaty departamentiniń dırektory M.Qojahmettiń jáne Almaty qalasy ákiminiń orynbasary S.Seıdýmanovtyń «Almaty qalasy ákiminiń janyndaǵy Jastar isteri jónindegi keńestiń qyzmeti týraly» esepteri tyńdalady.
Sonymen qatar, Keńestiń 2012 jylǵa arnalǵan jumys josparynyń jobasy talqylanatyn bolady.