Almatyda QR Memlekettik hatshysy Á. Bókeıhanovtyń 150 jyldyǵyna arnalǵan konferentsııaǵa qatysty (FOTO)

ALMATY. QazAqparat - Búgin ál-Farabı atyndaǵy Qazaq ulttyq ýnıversıtetinde Alash qaıratkeri Álıhan Bókeıhanovtyń 150 jyldyq mereıtoıyna oraı, «Álıhan Bókeıhanov jáne «Alash» murasy» atty ǵylymı-praktıkalyq konferentsııa bolyp ótti.

Konferentsııa jumysyn bastaı otyryp, óziniń alǵy sózinde QR Memlekettik hatshysy Gúlshara Ábdihalyqova qazaq halqynyń ult-azattyq sana-sezimin qalyptastyrýda Á. Bókeıhanovtyń sińirgen eńbegi orasan zor ekendigin basa aıtty.   

«Kórnekti saıası qaıratker, etnograf, jýrnalıst Álıhan Bókeıhanov óziniń búkil sanaly ǵumyryn qazaq halqyn azat etýge jáne damytýǵa jumsady. Ol «Alash» ult-azattyq qozǵalysyn basqara otyryp, ulttyq memlekettilikti damytý ıdeıasyn negizdedi. Táýelsiz qazaq memleketin qurýdy aldyna maqsat etip qoıdy. Osy maqsatqa jetýdiń joldary men ádisterin aıqyndady», - dedi G. Ábdihalyqova. 

Búgingi shara barysynda Á. Bókeıhanovtyń jazǵan eńbekterine arnalǵan kitap kórmesi uıymdastyryldy. Sondaı-aq, jańa «Aıqap» jýrnalynyń tusaýy kesildi. Aıta ketelik, bul jýrnaldy alǵash ret 1911 jyly belgili jazýshy ári pýblıtsıst Muhamedjan Seralın shyǵarǵan bolatyn. 

«Á. Bókeıhanovtyń mereıtoıy - bul ádebıet, pýblıtsıstıka jáne shyǵarmashylyq merekesi. «Jaqsynyń aty ólmeıdi, ǵalymnyń haty ólmeıdi» degendeı, Álıhan Bókeıhanovtyń da esimi halyq jadynda máńgilik saqtalady», - dedi óz sózinde Almaty ákimi Baýyrjan Baıbek.   

Sonymen qatar, qala basshysy Almaty qalasynyń 1000 jyldyq mereıtoıyna oraı, Almaty qalasy tarıhynyń murajaıy jańa ǵımaratqa kóshirilgendigin, onda aldaǵy ýaqytta kópshilik nazaryna jańa jádigerler usynylatyndyǵyn aıtty. 

Konferentsııa jumysyna QR Parlamenti Senatynyń depýtaty, Qazaqstan jazýshylar odaǵynyń tóraǵasy Nurlan Orazalın, QazUÝ rektory, tehnıka ǵylymdarynyń doktory Ǵalym Mutanov, basqa da ǵylym, bilim jáne mádenıet qaıratkerleri, sondaı-aq, qaladaǵy joǵary oqý oryndarynyń stýdentteri qatysty.