Almatyda koronavırýstyń besinshi tolqyny aıaqtalýǵa jaqyn - bas sanıtarııa dárigeri

ALMATY. QazAqparat - Almatyda koronavırýstyń besinshi tolqyny aıaqtalýǵa jaqyn. Bul týraly brıfıng barysynda megapolıstiń bas sanıtarııa dárigeri Qasymhan Alpysbaıuly málim etti, dep habarlaıdy QazAqparat tilshisi.

Onyń aıtýynsha, qalada koronavırýstyń táýliktik ósim 0,03-ke deıin tómendegen.

«Almatyda COVID-19 indetiniń besinshi tolqyny aıaqtalýǵa jaqyn qaldy. Aýrýdyń aıtarlyqtaı jyldam tómendeýi ujymdyq ımmýnıtettiń joǵarylaýymen baılanysty, ol 59 paıyzdan asty (sońǵy 6 aıda vaktsına alǵandardyń 54,6 paıyzy jáne saýyqqandardyń 4,5 paıyzy). Infektsııa kózderiniń azaıýy úshin 6 aıdan astam ýaqyt buryn vaktsına alǵan 254 885 revaktsınatsııadan ótti», - dedi Qasymhan Alpysbaıuly.

Sonymen qatar, bas dáriger koronavıýrsqa qarsy ekpeden jaltaryp júrgender áli de bar ekenin tilge tıek etti.