Almatyda koronavırýsty qaıta juqtyrǵandar sany 2 ese ósti

ALMATY. QazAqparat - Almatyda epıdemıologııalyq ahýal kúrdelenip barady. Qala «qyzyl» aımaqta. Bul týraly Almatynyń bas sanıtarlyq dárigeri Qarlyǵash Ábdijabbarova málim etti, dep habarlaıdy QazAqparat tilshisi.

Onyń aıtýynsha «omıkron» shtamynyń paıda bolýyna baılanysty qala turǵyndary arasynda kún saıyn vırýs juqtyrýshylar sany artyp keledi.

«Omıkron shtamynyń «delta» shtamyn yǵystyrýyna baılanysty vırýs juqtyrǵandar sany artyp keledi. Ony táýliktik ósimnen baıqaýǵa bolady. Sońǵy kúnderi koronavırýs juqtyrǵan adamdardyń sany 2500-ge jetti. Qańtar aıynyń sońynda bir kúnde 3 myńǵa jetedi degen boljam bar»,- deıdi Almatynyń bas sanıtarlyq dárigeri.

Sonymen qatar, ol megapolıste koronavırýsty qaıta juqtyrǵandar sany artqanyn jetkizdi.

« Almatyda koronavırýsty qaıta juqtyrǵandar sany sońǵy aptada eki ese ósti. Jyl basynan beri 16 esege artqan. Aıta ketý kerek, bul adamdardyń basym bóligi koronavırýsqa qarsy ekpe almaǵan», - dedi Qarlyǵash Ábdijabbarova.