Almatyda koronavırýspen aýyrǵandar sany birneshe ese azaıdy
Onyń aıtýynsha, qazirgi ýaqytta Almatynyń kovıdtik statsıonarlarynda 283 adam, onyń ishinde 10 bala emdelýde. Jalpy, qala turǵyndary arasynda ınfektsııanyń rastalǵan jaǵdaılarynyń sany azaıdy. Infektsııalyq gospıtaldardaǵy tósekterdiń jartysynan kóbi bos. Búginde 20 medıtsınalyq mekemede barlyǵy 845 tósek-oryn bar.
Intensıvti terapııa reanımatsııa bólimshelerinde 32 naýqas bar, tynys alý apparattaryna 11 adam, ınvazıvti emes tynys alý apparattaryna 6 adam qosylǵan, 6 High flow apparaty jumys isteıdi.
Medıtsınalyq alǵashqy kómek brıgadalary men telemedıtsına ortalyǵynyń baqylaýynda 647 adam bar, olardyń basym bóliginde KVI belgileri bar.
Qalanyń barlyq medıtsınalyq nysandary Naýryz merekesine daıyn. Qonaqtar men qala turǵyndary úshin epıdemıologııalyq qaýipsizdik tolyq kólemde qamtamasyz etiledi.
Sonymen qatar, Nanıman Tabynbaev pandemııany aıaqtaý úshin betperde kıip, vaktsınatsııadan ótý qajettigin atap ótti. Almatylyqtar aýrýdyń taralýyna jol bermeý úshin ımmýndyq jaǵdaıdy saqtap, ony qoldaýy kerek dep sanaıdy.
«Vaktsınatsııalanǵan adamdar áli kúnge deıin aýrýhanalardaǵy KVI patsıentteriniń az bóligin quraıdy. Qazir eń bastysy – vırýstyń taralýyn toqtatý, vaktsınalar men saqtyq sharalaryn qoldaný. Sonymen qatar, eki ekpe jasaǵandarǵa býsterlik doza qajet», - dedi Qoǵamdyq densaýlyq saqtaý basqarmasynyń basshysy.
Aıta keteıik, 3 naýryzdaǵy jaǵdaı boıynsha Almatyda birinshi komponentpen 1 145 655 adam, ekinshi komponentpen – 1 103 529 adam egildi. 60 jastan asqan egilgen adamdardyń jalpy sany - 124 997 adam. Revaktsınatsııany 261 021 almatylyq aldy.
Qalada áli de medıtsınalyq uıymdarda 137 vaktsınatsııa pýnkti jumys isteıdi.