Almatyda koronavırýspen aýyrǵan 2 392 adam em alýda
Vedomstvonyń málimetinshe, Almatyda 14 shildedegi jaǵdaı boıynsha KVI-dyń 349 jańa jaǵdaıy tirkeldi. Onyń 341-i sımptomdyq belgilermen, 8-i sımptomsyz.
«Búgingi tańda Birinshi medıtsınalyq-sanıtarııalyq kómek pen Telemedıtsına ortalyǵy dárigerleriniń baqylaýynda 2 392 naýqas baqylaýda. Olardyń ishinde jeńil jáne ortasha aýyrlyq dárejesinde 2 232, sımptomsyz 160 naýqas bar»,- delinedi habarlamada.
Sondaı-aq, Almaty qalasy boıynsha bir táýlikte 363 adam vaktsınanyń birintsshi komponentimen, 541 adam ekinshi komponetimen egildi. Revaktsınatsııadan 1 577 adam ótti.
Almaty qalasynda ótken jyldyń aqpan aıynan osy jyldyń 14 shildesine deıin birinshi komponentpen 1 231 577 adam, ekinshi komponentpen 1 196 518 adam egildi. Sondaı-aq, ótken jyldyń qarasha aıynan osy jyldyń 14 shildesine deıin 508 577 qala turǵyny revaktsınatsııadan ótti. Búgingi tańda Pfizer (Comirnaty) vaktsınasymen 117 671 adam egildi.
«Búginde qalada 85 vaktsınatsııa pýnkti jumys istep tur. 99 vaktsınatsııa brıgadasyna 313 medıtsına qyzmetkeri jumyldyryldy» - dep habarlady Qoǵamdyq densaýlyq saqtaý basqarmasynda.