Almatyda koronavırýs juqtyrǵandardyń sany eki esege artty
Onyń aıtýynsha, Almatydaǵy epıdemıologııalyq jaǵdaı nasharlaı túsýde. Qala sary aımaqta. Halyqtyń aptalyq aýrýshańdyǵy 2 esege artty. Boljam boıynsha, megapolıste indettiń taǵy bir tolqyny bastaldy.
Sonymen qatar, qala ákiminiń orynbasary jańa jyldyq merekeler men naqty oqıǵalarǵa baılanysty turǵyndar koronavırýsqa testileýden 8-10 ese az ótkenin atap ótti.
Onyń paıymdaýynsha, testileý kólemi ulǵaıǵan kezde oń synamalardy anyqtaý da artady, bul epıdemıologııalyq ahýaldyń nasharlaýyna jáne qalanyń matrıtsanyń qyzyl aımaǵyna kóshýine ákeledi.
Apparattyq keńes barysynda atap ótkendeı, 6 qańtarda tolyq genomdyq sekvenırleý nátıjeleri alyndy: QR Densaýlyq saqtaý mınıstrligine jiberilgen 96 úlginiń 8 synamasynan omıkron shtammy tabyldy, onyń ishinde 7 synama Almatydan jetkizildi.
Koronavırýstyń delta shtammy áli de belsendi aınalymda. Ol synamalardyń 71%-da, delta-plıýs - 16%-da, basqa shtammdarda – 4,7%-da anyqtaldy.
«Almatyda omıkron shtammynyń aınalymyn 20 jastan 39 jasqa deıingi adamdar arasynda juqtyrǵandardyń úles salmaǵynyń 16,4%-ǵa (27,7%-dan 44,1%-ǵa deıin), sondaı-aq 15-19 jastaǵy jasóspirimder arasynda 1,1%-ǵa (4,2%-dan 5,3%-ǵa deıin) kúrt óskenin kórsetetin jas quramyna júrgizilgen taldaý rastaıdy. Qalǵan kontıngentter boıynsha tómendeý tirkelgen (60 jáne odan joǵary jastaǵy adamdar arasynda – 8,6%-ǵa, 40-tan 59 jasqa deıingi adamdar arasynda – 2,5%-ǵa, 14 jasqa deıingi balalar arasynda – 4,7%-ǵa jáne 1 jasqa deıingi balalar arasynda 0,3%-ǵa)», - dedi Erjan Babaqumarov.
Sonymen qatar, sımptomsyz formalardyń ótken jyldyń jeltoqsan aıynda 6%-dan 16%-ǵa deıin ósýi baıqaldy, bul omıkronǵa da tán jáne naýqastardy ýaqtyly anyqtaý men oqshaýlaýdy qıyndatýy múmkin.
Erjan Babaqumarovtyń aıtýynsha, omıkron shtammy óte tez juǵady, sondaı-aq jastar úshin qaýipti.
Qala ákiminiń orynbasary almatylyqtardy omıkronnyń taralýyn tómendetý úshin vaktsına alýǵa shaqyrdy.
Erjan Babaqumarov qalada halyqty koronavırýsqa qarsy ımmýndaý jalǵasyp jatqanyn aıtty. Búgingi tańda birinshi komponentpen 1 077 896 adam, eki komponentpen – 1 028 180 qala turǵyny egildi. Revaktsınatsııa 69 018 adamǵa júrgizildi.
Álemniń jetekshi ǵalymdary men sarapshylarynyń derekteri boıynsha, qoldanystaǵy vaktsınalarmen revaktsınatsııa omıkron shtammymen juqtyrý kezinde asqynǵan jáne ólim jaǵdaılaryn emdeýge jatqyzýdan 70%-ǵa qorǵaıdy.
Búgingi kúni Almatyda ujymdyq ımmýnıtettiń deńgeıi áli de tómen (59,4%).