Almatyda koronavırýs juqtyrǵan stýdenttermen baılanysta bolǵandar qonaq úıge jatqyzyldy

ALMATY. QazAqparat - Almatyda bir ýnıversıtettiń jataqhanasynda stýdentterden koronavırýs anyqtaldy. Bul týraly qala ákimi Baqytjan Saǵyntaev tikeleı efır kezinde aıtty, dep habarlaıdy QazAqparat tilshisi.

Ákimniń sózinshe, bizde 168 myń stýdent bolsa, onyń 110 myńy syrttan kelgen.

Búginde bir ýnıversıtettiń jataqhanasynan vırýs juqtyrǵan stýdentter anyqtaldy.

«Epıdemıologııalyq jaǵdaı kórsetkendeı, olar qalaǵa basqa aımaqtan juqtyryp kelgen. Búgingi kúni aýyrǵan stýdenttermen baılanysta bolǵan barlyq adam oqshaýlandy. Olar rezervtik aýrýhana retinde jasaqtalǵan «Astana» qonaq úıine ornalastyryldy. Belgili bir ýaqytty deıin sol jerde bolady. PTR test tapsyrady. Eger bári oıdaǵydaı bolsa, olar oqýyn qaıtadan jalǵastyrady. Sondyqtan basqa balalarǵa juqpaý úshin bárimiz muqııat bolýymyz kerek»,- dedi Baqytjan Saǵyntaev.