Almatyda koronavırýs juqtyrǵan 58 bala emdelip jatyr

ALMATY. QazAqparat - Almatyda koronavırýs juqtyrǵan 123 naýqas em qabyldap jatyr. Bul týraly onlaın brıfıng barysynda qalalyq qoǵamdyq densaýlyq saqtaý basqarmasynyń ókili Gúljaınat Tilegen málim etti, dep habarlaıdy QazAqparat tilshisi.

Spıkerdiń sózinshe, búgin tańerteńgi aqparat boıynsha 200 adamnyń koronavırýs juqtyrǵany anyqtaldy. Munyń ishinde 193-i sımptomdy, jeńil jáne ortasha deńgeıdegi belgilermen, 7-i sımptomsyz aýyrǵan.

«Infektsııalyq statsıonarlarda 123 naýqas em qabyldap jatyr. Onyń 58-y bala»,- deıdi dáriger.

Sonymen qatar, ol medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 1662 patsıent bar ekenin atap ótti.

«Onyń ishinde 1543 adamda indet belgisi bolǵan, olar ortasha aýyr jaǵdaıda. 119 adamda koronavırýs belgisi joq»,- deıdi basqarma ókili.