Almatyda koronavırýs juqtyrǵan 172 naýqas jansaqtaý bóliminde jatyr

ALMATY. QazAqparat - Almatyda koronavırýs juqtyrǵan 1 514 naýqas em qabyldap jatyr. Bul týraly qalalyq qoǵamdyq densaýlyq basqarmasynan málim etti, dep habarlaıdy QazAqparat tilshisi.

5 qazan kúngi aqparat boıynsha, bir táýlikte qalada 419 adam koronavırýs juqtyrǵan.

Munyń ishinde sımptomdy, jeńil jáne ortasha deńgeıdegi belgilermen – 403, sımptomsyz – 16 naýqas tirkeldi.

Barlyq emdelip shyqqandar – 200, kelip túskeni – 166.

«Infektsııalyq statsıonarlarda 1 514 adam bar (tósek-orynnyń jalpy sany –3 179), onyń ishinde 56 bala emdelýde», – dep naqtylady qoǵamdyq densaýlyq basqarmasynyń baspasóz qyzmetinen.

Sondaı-aq, reanımatsııa jáne qarqyndy terapııa bóliminde 172 adam jatyr.

Al 31 naýqas jasandy tynys alý apparatyna qosylǵan.

Invazıvti emes jasandy tynys alý apparatynda 78 adam em qabyldaýdy jalǵastyrýda. High flow-da 47 apparat jumys isteıdi.

Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 3 485 patsıent bar.

Onyń ishinde indet belgileri bar, ortasha aýyr jaǵdaıda – 3 344 naýqas. 141 adamda koronavırýs belgileri joq.