Almatyda koronavırýs vaktsınasy jetkilikti - Sádýaqas Baıǵabylov

ALMATY. QazAqparat – Megapolıste koronavırýsqa qarsy vaktsına jetkilikti. Bul týraly onlaın brıfıng barysynda Almaty qalasy sanıtarııalyq-epıdemıologııalyq baqylaý departamenti basshysynyń mindetin atqarýshysynyń orynbasary Sádýaqas Baıǵabylov málim etti, dep habarlaıdy QazAqparat tilshisi.

Onyń aıtýynsha qalada vaktsınalardyń eki komponenti de jetkilikti mólsherde bar.
«Koronavırýsqa qarsy vaktsınalar jetkilikti. Atap aıtar bolsam, «Spýtnık V» – 31 380, QazVac – 81 838 doza, Sinofarm vero cell – 228479, Pfizer (Comirnaty) – 270 879 doza. Eki komponenti qosqanda barlyǵy 612 576 doza bar», - dedi spıker.
Sonymen qatar, ol búgingi kúnge deıin qansha adam revaktsınatsııadan ótkenin aıtty.
«Revaktsınatsııadan 61 070 almatylyq ótti. Onyń 25,6% 40-49 jas aralyǵyndaǵylar, 23% 30-39 jastaǵylar, 20-29 jas 20%»,- dep túsindirdi Sádýaqas Baıǵabylov.
Spıkerdiń sózinshe, Almatyda koronavırýsqa qarsy ujymdyq ımmýnıtet 59 paıyzǵa jetti.