Almatyda koronavırýs qaýpin azaıtý úshin kóshi-qon ahýaly baqylaýǵa alyndy

ALMATY. QazAqparat – Almatyda Qoǵamdyq keńestiń otyrysy ótti. Jıyn barysynda arnaıy shtab basshysy, qala ákiminiń orynbasary Erjan Babaqumarov koronavırýs juqpasy boıynsha epıdahýaldy sıpattady, dep habarlaıdy QazAqparat tilshisi.

Otyrys barysynda juqpaly aýrýdyń taralýynyń aldyn alý boıynsha qandaı sharalar atqarylyp jatqany aıtyldy.

«Almatyǵa kiretin joldardyń barlyǵy jabyq. Baqylaýda tur. Úlken álemge shyǵatyn tereze – áýejaı. Áýejaıda fıltratsııa júıesi ornatylǵan. 1-sanattaǵy elderden kelgen jolaýshylar úshin bólek termınal jasaqtalǵan», - dedi Erjan Babaqumarov.

Onyń aıtýynsha, qazir 1-sanattaǵy elderden kelgen tulǵalar baqylaýǵa alynǵan.

1 aqpannan bastap Almatyǵa 12,5 myń adam ótken. Onyń barlyǵy baqylaýda.

«Kelgen sheteldikterdiń densaýlyǵyn 99,9% baqylaýda ustap otyrmyz. 12,5 myń adamnyń 4 myńy – shetel azamattary, onyń 350-i - qytaılyqtar. Munyń aldynda áýejaı arqyly táýligine 50 reıs ótetin bolsa, qazir onyń sany 30-50 aralyǵynda. Kúnde áýejaı arqyly 2,5-3 myń adam ótedi. ıAǵnı, kóshi-qon statıstıkasy azaıǵan saıyn aýrýdyń juǵý múmkindigi de azaıa túsedi», - dedi ákimniń orynbasary.