Almatyda koronavırýs boıynsha jaǵdaı turaqty, degenmen bosańsýǵa erte - dáriger

ALMATY. QazAqparat - Almatyda koronavırýs ınfektsııasy boıynsha jaǵdaı turaqty. Bul týraly Óńirlik kommýnıkatsııalar qyzmetiniń brıfınginde Almaty qalasy Qoǵamdyq densaýlyq basqarmasy basshysynyń orynbasary Laýra Myrzaǵalı málim etti, dep habarlaıdy QazAqparat tilshisi.

Dárigerdiń aıtýynsha, búgingi kúni úı jaǵdaıynda, emhanalarda jáne telemedıtsınalyq ortalyqtyń kómegimen 479 adam em qabyldaýda.

«Bizdiń statsıonarlarda 1434 tósek-oryn bar. Bir táýlikte 235 adam aýrýhanaǵa jatqyzyldy. 29 adam aýrýhanadan shyǵaryldy. 36 naýqas reanımatsııada jatyr. Naýqastardyń sanyn tósek-oryndarmen eseptesek, 19% kórsetedi. ıAǵnı, qazir qalada kovıd ınfektsııasy boıynsha jaǵdaı turaqty. Degenmen, bosańsýǵa áli erte, indet endi ary qaraı órshimeıdi degen sóz emes, qala turǵyndaryna epıdemıologııalyq jaǵdaıdy turaqty saqtaǵany durys», - dedi Laýra Myrzaǵalı.

Ol sondaı-aq, qalada vaktsına egý jumystary jalǵasyp jatqanyn aıtty.

«Qazirgi tańda qalada júkti áıelder, 12 jastan asqan jasóspirimder, bala emizetin áıelder «Pfizer» vaktsınasymen egilip jatyr. Qalamyzda qazir vaktsına mólsheri jetkilikti. Vaktsına egetin barlyq pýnkterimiz, emhanalarymyz jumys istep tur. Olar jumystaryn ary qaraı da jalǵastyra beredi», - dep atap ótti dáriger.