Almatyda kópbalalylarǵa beriletin baspana sertıfıkaty 1,5 mln teńge bolýy múmkin

ALMATY. QazAqparat - Almatyda «Nurly jer» baǵdarlamasy aıasynda turǵyn úı salynady. Bul týraly qala ákimi Erbolat Dosaev Almaty qalasy Máslıhatynyń XVI sessııasynda málim etti, dep habarlaıdy QazAqparat tilshisi.

Onyń aıtýynsha, búgingi kúni almatylyqtardyń jekelegen áleýmettik toptaryn turǵyn úımen qamtamasyz etý máselesin sheshý mańyzdy.

Sessııa barysynda qala ákimi nesıege turǵyn úı alý múmkindigin jaqsartý maqsatynda ıpotekanyń bastapqy jarnasynyń bir bóligin jabý úshin bir turǵyn úı sertıfıkatynyń qunyn 1 mln-nan 1,5 mln teńgege deıin kóbeıtýdi usyndy.

Bul sanatqa 1-2 toptaǵy múgedekter, múgedek balalary bar otbasylar, jetim jáne ata-anasynyń qamqorlyǵynsyz qalǵan balalar kiredi.

«Bıýdjetti naqtylaý kezinde «Nurly jer» baǵdarlamasy aıasynda taǵy bir 411 otbasyna arnalǵan «Jas qanat» 6 kóppáterli turǵyn úı kesheniniń qurylysyna 4,5 mlrd teńge bólý qarastyryldy»,-dedi Erbolat Dosaev.

Sonymen qatar ol bıýdjetti naqtylaý Almaty qalasynyń turǵyndarymen jáne kásipkerlerimen alǵashqy kezdesý ótkizgennen keıingi jumys nátıjesi negizinde daıyndalǵanyn tilge tıek etti.