Almatyda kópbalaly analar kásipkerliktiń qyr-syryn meńgeredi
Almaty qalasynyń Almaly aýdanynda qala ákiminiń tapsyrmasy boıynsha kópbalaly analarǵa qoldaý kórsetý úshin «Baqytty otbasy» ortalyǵy ashyldy. Ortalyq jumysynyń aıasynda áıelderdi kásipkerlikke oqytý boıynsha «ISKER ANA» baǵdarlamasy júzege asyrylady. Onda kópbalaly jáne az qamtylǵan otbasylarǵa jeke isin ashýǵa jáne ony júrgizýge kómektesetin mamandar jumys isteıdi. Olarǵa bastapqy kapıtal, granttar, oqý kýrstary jáne basqa da kómek usynylady.
Jaqyn kúnderi mundaı ortalyqtardy qalanyń barlyq aýdandarynda ashý kózdelip otyr. Bul almatylyqtarǵa bilim alýǵa, kásip ashýǵa jáne óz betimen aqsha tabýǵa múmkindik beredi. Kásipkerlikke oqytýdy negizinen tájirbıeli, bızneste jetistikke jetken kópbalaly analar júrgizedi.
Búgingi tańda tigin isi, sulýlyq salony, aspazdyq, ulttyq qolónerge úıretý jáne ınternet saýda sııaqty oqý kýrstary úshin toptar qurylýda.
Ortalyq áıeldermen kezdesip, olardyń bıznes jobalaryn júzege asyrýǵa múmkindik beredi.
Ǵımaratta kovorkıng ortalyǵy, oqý synyptary, keńes berý bólmeleri - psıholog, zańger jáne áleýmettik qyzmetker otyrady. Sondaı-aq, jabdyqtalǵan balalar bólmesi men oıyn alańy bar.