Almatyda kómir baǵasy arzandady

ALMATY. QazAqparat - Almaty ákimdigi QR Investıtsııalar men damý mınıstrligimen jáne QR Taý ken óndirisi qaýymdastyǵynyń ókilderimen aqyldasa otyryp, 4 kómir jetkizýshi kásiporynmen kelisimge keldi, dep habarlaıdy QazAqparat tilshisi.

2018 jyldyń 23 qarashasynda qala ákimdigi men tasymaldaýshylar kómir baǵasyn 1900 teńgege arzandatý boıynsha memorandýmǵa qol qoıdy.

Qalalyq kásipkerlik jáne ındýstrıaldy-ınnovatsııalyq damý basqarmasynyń málimdeýinshe, ýaǵdalastyq arqasynda Súıinbaı dańǵyly, 567 a mekenjaıyndaǵy Medeý stansasynda «Álem-h» JShS «Qarajyra» baıytylǵan kómiriniń 1 tonnasynyń quny - 14 500 teńgeden 13 700 teńgege tústi.

Bekmahanov kóshesi, 88 «G» mekenjaıyndaǵy «Dıachkov A» JShS  «Shubarkól» kómiriniń 1 tonnasy 14 500 teńgeden 12 700 teńgege arzandady.

Bekmahanov, 88 B Almaty 1 stansasynda «Álem kómir» JShS «Qarajyra» kómiriniń 1 tonnasy 14 500-den 13 700 teńgege arzandatyldy.

Іle tas joly, №20, Krasnogvardeıskıı tas joly 499 V temir jol toraptaryndaǵy «Sanat» JK   «Shubarkól» kómiriniń 1 tonnasy  14 500 teńgeden 12 600 teńgege deıin tómendedi.

Aıta ketý kerek, jylytý maýsymy bastalǵaly beri Almaty ákimdigi kómir qunynyń qymbattaýyna jol bermeı kele jatyr. Sonymen qatar, qala bıligi almatylyqtar arasynda kómir tapshylyǵy bolmaıtynyn aıtyp sendirdi.