Almatyda komandırlik ushýlar ótip jatyr
Alǵashqy komandırlik ushýlar kórneki ushý bolyp sanalatyndyqtan, olardy basshylyq quram men barynsha daıyndalǵan ushqyshtar oryndaıdy. Sabaqtyń bul túri áýede túrli mindetterdi oryndaýdyń biryńǵaı ádistemesin pysyqtaýǵa, ushý quramyn oqytýǵa jáne onyń praktıkalyq daǵdylaryn qoldaýǵa arnalǵan. Bul ushý aldyndaǵy daıyndyqtan, mindetter qoıýdan jáne qysqy oqý kezeńiniń aıasynda komandırlerdiń oqý jattyqtyrý ushýlary ótti.
Apta ishinde ofıtserler kúndiz-túni, jaı jáne kúrdeli aýa-raıy jaǵdaılarynda ushýdy, qonýdy jáne baǵyt boıymen ushýlar mashyǵyn pysyqtaıdy.
«Oqý-jattyǵý jıyndaryndaǵy ushqyshtardyń barlyq is-qımyly aıqyn jáne naqty pysyqtaldy. Óıtkeni búgingi kúni áskerı áýeaılaqta tek joǵary bilikti mamandar ǵana jas ushqyshtarǵa ozyq tájirıbe bere otyryp, tapsyrmalardy pysyqtady. Komandırlik ushýlarda maqsatqa qol jetti. Qorytyndysy boıynsha jaýyngerlik sheberlik pen eptilikti jetildirý jóninde usynystar ázirlendi», - dedi áskerı bólim komandıriniń mindetin ýaqytsha atqarýshy polkovnık Vladımır Merımbaev.
Esterińizge sala ketsek, áskerı ushqyshtar eń batyl, eń tózimdi jáne eń batyr maman bolyp sanalady. Olardyń minsiz sheberligi jaýyngerlik tapsyrmanyń sátti oryndalýyna ǵana emes, tikeleı ushqyshtyń jeke qaýipsizdigi men basqa adamnyń ómirin saqtaýǵa da qatysty.