Almatyda qolynda pyshaǵy bar er adam dúkenge kirip, satýshylardy qorqytty

ALMATY. QazAqparat - Almatyda mas er adam azyq-túlik dúkenine júgirip kirip, satýshylardy pyshaqpen úreılendirip, keıin óz-ózine qol jumsaımyn dep qorqytty, dep habarlaıdy QazAqparat tilshisi.

Atalǵan oqıǵa beıne kameraǵa túsip, áleýmettik jelide jarııalandy.

Oqıǵanyń kýágerleri – «Orbıta» yqsham aýdanynyń turǵyndary «102» pýltine qońyraý shalyp, polıtsııa qyzmetkerlerin shaqyrǵan.

«Býran-125» patrýldik ekıpajy oqıǵa ornyna úsh mınýttan keıin jetti. Er adam shynymen de qarýly bolǵan. Osy kezde dúken ishinde bolǵan adamdardyń ómirine qaýip tóndirmes úshin polıtsııa qyzmetkerleri óte muqııat áreket etti. Mas adamnyń nazaryn basqa jaqqa aýdaryp, dıalog quryp, oǵan únsiz jaqyndady. Bir kezde ınspektor qarýly adamdy ustap alyp, qolyndaǵy pyshaǵyn julyp úlgeredi. Anyqtalǵandaı, bul - alkogoldik ishimdikterdi asyra paıdalanatyn adam retinde profılaktıkalyq esepte turǵan 1978 jyly týǵan B.esimdi jergilikti turǵyn bolyp shyqty. Abyroı bolǵanda, eshkim zardap shekken joq», - dedi, Bostandyq aýdandyq polıtsııa basqarmasynyń bastyǵy, polıtsııa polkovnıgi Dýman Aýhadıev.

Spıkerdiń aıtýynsha, er adamdy medıtsınalyq tekserýge alyp ketti. Oqıǵanyń mán-jaıy anyqtalýda. Keıin oqıǵaǵa qatysy bar adamnyń áreketine quqyqtyq baǵa beriletin bolady.