Almatyda kólikterge sý qosylǵan benzın quıý oqıǵasy tekserilip jatyr
00:28, 23 Qarasha 2022
ALMATY. QazAqparat - Almatydaǵy janarmaı quıý stantsııasynyń birinde kólikterge sý aralas benzın quıylǵany týraly oqıǵa tergelip jatyr, dep habarlaıdy QazAqparat tilshisi.Oqıǵanyń vıdeosy áleýmettik jelide tarady.
Atalǵan másele boıynsha QazAqparat tilshisiniń saýalyna Almaty qalasynyń kásipkerlik jáne ınvestıtsııalar basqarmasynda jaýap berdi.
Vedomstvo málimetinshe, keshegi jańbyrdan soń «Gazpromneft» avtojanarmaı quıý stantsııasynyń benzın saqtaıtyn rezervýaryna sý aqqan. Budan keıin shamamen 10 avtokólikke sý qosylǵan benzın quıylǵan.
«Qazirgi ýaqytta sý qosylǵan benzın quıylǵan 7 avtokólik ıesi men vıdeo avtorynyń zalaly óteldi. Sonymen qatar janarmaı quıý stantsııasyn paıdalaný bólimi atalǵan oqıǵaǵa tekseris júrgizýde», - dedi qalalyq kásipkerlik jáne ınvestıtsııalar basqarmasy.