Almatyda kólik ınfraqurylymyna 500 mlrd. teńgeden astam qarjy jumsaldy

ALMATY. QazAqparat - Baýyrjan Baıbek búgin almatylyqtardy Ata zań kúnimen quttyqtaýǵa arnalǵan saltanatty sharada táýelsizdik jyldary Almaty aýmaǵy 2 esege óskenin, aglomeratsııany esepke alǵanda qala turǵyndarynyń sany 3 mln adamǵa jetkenin aıtty, dep habarlaıdy QazAqparat tilshisi.

«Megapolıs ekonomıkasy 100 ese ósip, shaǵyn jáne orta bıznes qatary 130 ese artqan. Turǵyn úı qory 2 esege kóbeıip, 43 mln sharshy metrge jetken. Kólik sany 10 ese ósti. Sol úshin sońǵy on jyl ishinde 30 jol aıryǵy salyndy. Kólik ınfraqurylymyna 500 mlrd teńgeden astam qarjy  jumsaldy. 5 jyl buryn Almaty metrosy jumys isteı bastady,  mundaǵy jolaýshylar legi jyl saıyn ortasha 20%-ǵa artýda», dedi qala ákimi Baýyrjan Baıbek.

Aıta keteıik, búgin Abaı atyndaǵy Memlekettik akademııalyq opera jáne balet teatrynda Qazaqstan Respýblıkasynyń Konstıtýtsııa kúnine arnalǵan saltanatty jıyn ótip, Almaty ákimi Baýyrjan Baıbek almatylyqtardy Konstıtýtsııa kúnimen quttyqtady.