Almatyda kólik ıeleriniń salyqqa bereshegi 4,9 mlrd teńge
Megapolıste avtokólik quraldary boıynsha salyq bereshegin óndirip alý maqsatynda qalalyq polıtsııa departamentimen jáne jeke sot oryndaýshylarynyń óńirlik palatasymen birlesip «Boryshker» jedel-aldyn alý is-sharasy ótkizilýde.
Jeke sot oryndaýshylarynyń qaýlysy bar boryshkerlerdiń avtomobılderi «Sergek» kameralarynyń kómegimen anyqtalady jáne bereshek tolyq ótelgenge deıin aıyppul turaǵyna qoıylady.
«Búgingi tańda kólik quraldaryna salynatyn salyq boıynsha bereshek 4,9 mlrd teńgeden asty. Bereshektiń negizgi bóligi qozǵaltqyshtyń úlken kólemi 4000 tekshe sm-den asatyn avtokólikterge tıesili. Bir apta ishinde jıyrmadan astam kólik, sonyń ishinde «Porshe cayenne», «Toyota Land Cruiser», «Mercedes-Benz E» klasty kólikter aıyppul turaǵyna jekizildi»,- dep atap ótti qalalyq memlekettik kirister departamentiniń baspasóz qyzmetinen.
Departament ókilderi avtokólik ıelerin aıyppul turaǵyna qamaýdy jáne sot oryndaýshylarynyń qyzmetterine aqy tóleý boıynsha jaısyz jaǵdaılardy boldyrmaý úshin jaqyn arada salyq bereshegin óteýge shaqyrady.
Salyq bereshegin MKK «E-Salyq-Azamat» mobıldi qosymshasynyń kómegimen jáne óz betinshe www.kgd.kz ınternet-resýrsta, sondaı-aq ekinshi deńgeıdegi bankterdiń mobıldi qosymshasynda tekserýge bolady.