Almatyda qoldan jasalǵan 640 myń bótelke araq-sharap tárkilendi

ALMATY. QazAqparat - Almatydaǵy Aınabulaq shaǵyn aýdanyndaǵy bir qoımadan 640 myń kúdikti alkogol ónimi tárkilendi, dep habarlaıdy QazAqparat tilshisi qalalyq Memlekettik kirister departamentiniń baspasóz qyzmetine silteme jasaı otyryp.

Almaty qalasy boıynsha Memlekettik kirister departamenti «kóleńkeli ekonomıkamen kúres» sharasy aıasynda 26 qazan kúni Jetisý aýdany Aınabulaq shaǵynaýdanynda ornalasqan qoımadan 640,7 myń bótelke kúmándi araq ónimin tárkiledi. 
 

«Aınabulaq shaǵynaýdanynda ornalasqan qoımalardy tekserý jedel-izdeý sharasy aıasynda ruqsat qaǵazsyz, lıtsenzııasyz, tirkeý-baqylaý markasy kúdikti alkogol ónimderi anyqtaldy. Tárkilengen ónimniń jalpy kólemi 640,7 myń bótelke, quny 499,5 mln teńge. Tárkilengen ónimder  «Pshenıchnaıa», «Polus», «Starleı», «Taý» jáne «Talas» sharaby markasymen bolǵan. Atalǵan fakti boıynsha, QR QK 214-babynda kórsetilgen zań talaptarymen qylmystyq is qozǵaldy», - dedi Almaty qalasy boıynsha Memlekettik kirister departamenti basshysynyń orynbasary Qanat Baltabekov.
 

Aıta keteıik, Almaty qalasynda 5-26 qazan aralyǵynda júrgizilgen «kóleńkeli ekonomıkamen kúres» sharasy aıasy 710,3 mln teńgeniń ónimi, ıaǵnı 878 myń bótelke zańsyz daıyndalǵan alkogol tárkilendi.
 

Atalǵan basqarmanyń málimetine súıensek, jalpy jyl basynan beri Almaty qalasy boıynsha quny 1,4 mlrd teńge bolatyn 1,8 mln bótelke zańsyz daıyndalǵan alkogol ónimi tárkilengen.