Almatyda kóktemgi aǵash egý naýqany bastaldy

ALMATY. QazAqparat - Almatyda jyl saıynǵy japyraqty jáne qylqyn japyraqty aǵashtardy otyrǵyzý maýsymy bastaldy, dep habarlaıdy QazAqparat tilshisi.

Almaty ákimdiginen habarlaǵandaı, bıyl kóktemde «Jasyl aýla» naýqany aıasynda turǵyndarmen birlese otyryp, 10 myńnan astam aǵash otyrǵyzý josparlanǵan.

«Qala turǵyndaryna barlyǵy 2638 aǵash kóshetteri beriledi. Shegirshin, sánaǵash, shaǵan men qaıyńnyń kóshetteri 1, 2 jáne 8, 9 sáýir kúnderi berý josparlandy. Naýqanǵa qatysýshylar otyrǵyzylǵan aǵashtardy aldaǵy úsh jyl boıy kútip-baptaýǵa mindettelgen», - dep habarlady ákimdikten.

Jalpy, aǵash otyrǵyzý maýsymy mamyr aıynyń sońyna deıin jalǵasady. Aǵash otyrǵyzýdyń negizgi naýqany kúz kezinde bolady. Bıyl kúzde 300 myńnan astam aǵash otyrǵyzý josparlanǵan. Kópshilik aǵashtar Alataý jáne Naýryzbaı aýdandarynda otyrǵyzylatyn bolady.