Almatyda kóktaıǵaqqa qarsy 2 myń tonnadan astam qum sebildi
Almaty ákimdiginiń baspasóz qyzmeti habarlaǵandaı, qalada keshe keshki saǵat 16:15-ten bastap ylǵal qar jaýa bastady.
Qalanyń ishine jaýǵan qardyń qalyńdyǵy - 8 sm. Taýly aýdandarda 20 sm-ge deıin jetti.
Qalanyń kommýnaldy qyzmetteri kóktaıǵaqtyń aldyn alý maqsatynda qala kóshelerine 2077 tonna qum men tuz qospasyn seýip shyqty.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, ortaq paıdalaný oryndaryn tazalaý boıynsha jumystar uıymdastyryldy.
Qardy tazalaýǵa 562 tehnıka, onyń ishinde 160 qumshashqysh jáne 1 493 jol jumysshysy jumyldyryldy.
Aýdan ákimdikteri men qala ákimdiginde qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
Qazgıdromettiń boljamy boıynsha qar aralas jaýyn túske qaraı toqtaıdy. Aýa temperatýrasy búgin kúndiz +1, +3 gradýs.