Almatyda «Qoǵamdyq senim jáne áleýmettik kapıtal» atty konferentsııa ótip jatyr
Shara Qazaqstan Respýblıkasynyń Táýelsizdik kúni men Almaty Menedjment ýnıversıtetiniń qurylǵan kúnine oraı uıymdastyrylǵan.
Konferentsııa maqsaty – otandyq jáne halyqaralyq ǵalymdar men sarapshylar, zertteýshiler men kásibı mamandardyń basyn qosyp, qoǵamdyq senim men áleýmettik kapıtaldyń tarıhı, saıası jáne áleýmettik-ekonomıkalyq baǵyttaryn aıqyndap, memlekettik organdar men azamattyq qoǵam arasynda senimdi qarym qatynasty ornatý úshin álýmettik kapıtaldyń yqpaly men osy úderisti tejep otyrǵan máselelerdi talqylaý.
QR Prezıdenti Qasym-Jomart Toqaev Qazaqstan halqyna Joldaýynda syndarly qoǵamdyq dıalog - Qazaqstannyń turaqtylyǵy men órkendeýiniń negizi ekenin atap kórsetti jáne «Halyq únine qulaq asatyn memleket» tujyrymdamasyn iske asyrý úshin saıası jáne qoǵamdyq transformatsııanyń mańyzyna nazar aýdardy.
Іs-sharaǵa QR Memlekettik hatshysy Qyrymbek Kósherbaev, QR Aqparat jáne qoǵamdyq damý mınıstri Aıda Balaeva, Avstrııa Respýblıkasynyń Elshisi Vıllı Kempel jáne basqa da belgili ǵalymdar, halyqaralyq, úkimettik emes uıymdardyń ókilderi qatysyp jatyr.