Almatyda qoǵamdyq kólikte maska taqpaǵandarǵa aıyppul salyndy
Epıdemıologtardyń málimetinshe, qoǵamdyq kólik – ınfektsııany juqtyratyn negizgi bestiktiń biri (juqtyrý 16,8%).
Sondyqtan Almaty qalasy aýdan ákimdikteri janynan qurylǵan monıtorıng toptary maska rejıminiń saqtalýyn baqylaý boıynsha jumys júrgizip jatyr.
Bir táýlikte 112 avtobýs pen trolleıbýs tekserildi. Buzýshylyqtar myna avtobýstarda anyqtaldy: №1, 98, 32, 123, 79, 11, 9, 45, 22, 135, 105, 201, 7, 126, 60, 114, 25, 5, 5V, 29, 65, 37, 205, 224, 20, 148, 38, 62, 210, 45, 18. Maska rejımin buzǵan 22 jeke tulǵaǵa aıyppul salyndy, barlyq jolaýshylar QR ÁQBtK 1-bóliminiń 425-baby boıynsha ákimshilik jaýapkershilikke tartyldy.
Mamandar koronavırýs ınfektsııasynyń aldyn alý úshin Almaty turǵyndaryn halyq kóp jınalatyn jerlerde, qoǵamdyq kólikte qaýipsizdik sharalaryn, maska rejımin saqtaýǵa shaqyrdy.
Qoǵamdyq kólikten basqa, monıtorıng toptardyń ókilderi qoǵamdyq tamaqtaný, dúkender men basqa da adamdar kóp jınalatyn nysandardy tekserýdi jalǵastyryp jatyr.
Mobıldi toptardyń málimeti boıynsha jyl basynan beri 1150-den astam meıramhana, kafe men dúkende, 171 kompıýterlik klýbta, 21 bılıard klýbynda, 5 spa-salonynda, 31 saýnada, 2 kalıan zalynda, 54 karaokede karantındik sharalardyń buzylýy anyqtaldy. Belgilengen shekteýlerdi buzǵan 3300-den astam adam polıtsııaǵa jetkizildi.