Almatyda qoǵamdyq kólik júrgizýge quqyǵy joq er adam avtobýspen jolaýshy tasyǵan
Almaty qalalyq polıtsııa departamentinen habarlaǵandaı, T. Rysqulov dańǵyly boıynda №47 baǵyttaǵy qoǵamdyq kólik toqtatylǵan. Júrgizýshiniń kýáliginde qoǵamdyq kólik júrgizý kategorııasy joq ekeni anyqtalady.
«Er adam QR Ákimshilik quqyq buzýshylyq týraly kodekstiń 612-baby 4-bóligi boıynsha jaýapkershilikke tartyldy. Aıyppul somasy - 93 myń teńge. Bir aı buryn dál osy júrgizýshiniń qoǵamdyq kólikti júrgizýge quqyǵy joq ekeni anyqtalyp, aıyppul salǵan bolatynbyz. Kórip turǵanymyzdaı, durys qorytyndy shyqpaǵan. Onyń ústine avtopark basshylyǵy da bul zań buzýshylyqty joıý úshin eshqandaı shara qoldanbaı, avtobýsty júrgizýge quqyǵy joq júrgizýshini qaıtadan jolǵa shyǵardy. Bul joly avtokásiporyn ákimshiligi QR ÁQBtK-niń 619-baby boıynsha jaýapqa tartyldy. Aıyppul mólsheri – 40 AEK», - dedi Áýezov aýdandyq polıtsııa basqarmasy ákimshilik tájirıbe bóliminiń basshysy Baýken Báıimbetov.
Aıta keteıik, qazirgi ýaqytta Almatyda jol apattarynyń aldyn alý men onyń saldaryn azaıtýǵa baǵyttalǵan «Qaýipsiz jol» respýblıkalyq aılyǵy ótip jatyr.
«Onyń maqsaty – aldyn alý jumystaryn jandandyrý jáne jol qozǵalysy qaýipsizdigi talaptarynyń saqtalýyna baqylaýdy kúsheıtý, tıisti qoǵamdyq tártipti, jol qaýipsizdigin qamtamasyz etý jáne kóliktegi jazataıym oqıǵalardy azaıtý. Jolaýshylar men júkterdi kólikpen tasymaldaýdy júzege asyrý barysynda jol qaýipsizdigin qamtamasyz etýdi baqylaýǵa da erekshe nazar aýdarylatyn bolady», - dep atap ótti Bolatbek Baıatanov.