Almatyda kitap festıvali aıasynda 1 myń kitap taratyldy
Bıylǵy jyly da dástúr boıynsha kitap festıvali áıgili Shoqan Ýálıhanov eskertkishiniń mańynda kúzdiń alǵashqy senbisinde ótkizildi.
Festıval baǵdarlamasy kitaptar jármeńkesin, oqyrmandarǵa qyzyqty tanymdyq semınarlar, túrli baspalardyń kitap kórmesi men tanymal kitap avtorlarymen júzdesýdi kiristirdi. Bıylǵy jyly kitap festıvalinde 20-dan astam kitap baspalary men kitap dúkenderi qatysty. Alań janynda arnaıy shatyrlar turǵyzylyp, tanymal kitaptar jeńildikpen satyldy. Ádebı semınarlardyń jankúıerlerin zamanaýı qazaqstandyq pýblıtsıster men aqyn-jazýshylarmen kezdesý jandandyrdy. Olardyń arasynda «Sıtýatıvnyı kazahskıı» kitabynyń avtory Qanat Tasybekov, tanymal avtor Vadım Boreıko, pýblıtsıst Dana Ormanbaeva, Aleksanda Vet, Adjıdjıro Kýmano, jáne taǵy basqa tulǵalar óz shyǵarmashylyqtarymen ishinara bólisti.
KITAPFEST sharasynyń basty ereksheligi de, úsh jyl qatarynan festıval uıymdastyrýshylary túrli baǵdarlamalary men myńdaǵan kitaptarymen tań qaldyryp keledi. Ásirese alǵash kelgen adamdar úshin kún sátti bastaldy, sebebi olar qundy kitaptarǵa ıe bolyp úlgerdi. Festıval aıasynda jınalǵan qaýym qalaǵanynsha kitaptar alý múmkindigine ıe boldy.
Festıvaldiń ereksheligine sondaı-aq jeke stendke ózinniń súıikti kitabyn jaıly jazyp, ózgege oqýǵa usynýǵa múmkindik boldy. Basty uıymdastyrýshy «Baýyrjan» qaıyrymdylyq qory «Balalarǵa baqyt syıla» atty qaıyrymdylyq aktsııasyn bastap, festıval aıasynda Pedıatrııa ǵylymı ortalyǵynyń balalar gematologııasy jáne qan aýrýlary bólimine birtalaı kitap jınaldy.