Almatyda qıraǵan ekologııalyq beketter qalpyna keltirilýde
10:46, 13 Aqpan 2022
ALMATY. QazAqparat - Almatyda aýa, topyraq, sý jáne radıatsııa mólsheri synamalarynyń taldaýyn jınaýǵa qajetti statsıonarlyq ekologııalyq posttardy qalpyna keltirý jumystary bastaldy, dep habarlaıdy QazAqparat tilshisi.
Almaty qalasy Jasyl ekonomıka basqarmasynda habarlaǵandaı, búgingi tańda 13 ekoposttyń jumysy qalpyna keltirildi. Qalǵan 6 ekopost aqpan-naýryz aılarynyń sońyna deıin jumysyn bastaıdy. Kóktem mezgili bastalysymen Almatyda jyljymaly ekologııalyq beketter de óz jumysyn bastamaqshy.
Aıta ketsek, Almatyda qańtar oqıǵalary kezinde buzaqylar 13 ekologııalyq postty órtep, 4 beketti syndyryp, tonaǵan. Tek 2 beket qana aman qalǵan bolatyn.