Almatyda Keńsaı zıratynyń aýmaǵy kishireıtildi

ALMATY. QazAqparat – Almatyda Keńsaı zıratynyń aýmaǵy qysqartyldy. Bul týraly búgin ótken bıfıng barysynda Medeý aýdanynyń ákimi Sultanbek Mákejanov aıtty, dep habarlaıdy QazAqparat tilshisi.

«Keńsaı-3 aýmaǵyna qatysty suraq kóp. Ol jerde 90 gektar jer bar bolatyn. Olardyń 35 gektary adam jerleýge berilse, qalǵany sanıtarlyq aımaq bolyp sanalady. Turǵyndardyń pikirin eskere otyryp, adam jerleý terrıtorııasyn 15 gektarǵa qysqartyp, qalǵan 70 gektar artyq jerdi sanıtarlyq aımaqqa aınaldyrdyq. Byltyr ol jerge 3800 qaraǵash otyrǵyzdyq. Turǵyndardyń suranysymen qorshaýdy aldyq. Sebebi, qorshaý tursa, adam jerleýge bólingen oryn ispetti bolady eken», - dedi ákim esepti kezdesýinde.

Aýdan ákimi osy máseleni sheshý úshin Keńsaı 1-2 saıajaıy turǵyndarymen kezdesken.

«Turǵyndardyń keıbireýi shuǵyl qorshaý qoıyńdar deıdi. Keıbiri qajet emes deıdi. Sol úshin saıajaı turǵyndaryna turǵyndardyń jınalysyn ótkizýdi tapsyrdym. Eger osy másele sheshimin tapsa, biz qorshaýlardy Keńsaı 1-2 aımaǵyna aýystyramyz. Biz rıtýaldy qyzmet kórsetý kombınatymen birigip osy máseleni sheship jatyrmyz», - dedi aýdan ákimi.