Almatyda Keńes Odaǵynyń Batyry Mánshúk Mámetovanyń 90 jyldyǵyna arnalǵan aptalyq ótti
Mánshúk Mámetova aptalyǵynyń aıasynda ýnıversıtette 1 qazan kúni stýdentter arasynda áskerı-patrıottyq ánder baıqaýy, al búgin - Mánshúk Mámetovanyń týǵan kúninde QazUMÝ-de onyń ómiri týraly «Ómir - ańyz» atty kórkem fılmniń kórsetilýimen sharanyń saltanatty bóligi ótkizildi. Sondaı-aq armııa generaly, Keńes Odaǵynyń batyry Saǵadat Nurmaǵanbetovtyń, Almaly aýdany ákimdiginiń qyzmetkerleriniń, jastar saıasaty máseleleri boıynsha basqarma bastyǵy S.Boqaevtyń, ýnıversıtet ardagerleriniń qatysýymen kontsert bolyp ótti.
Mánshúk Mámetovanyń 90 jyldyǵynyń qarsańynda QazUMÝ-niń murajaıynda stýdentterdiń Mánshúk qaza tapqan shaıqas ornynan ákelingen jańa eksponattar paıda boldy.
Budan basqa M.Mámetova men Á.Moldaǵulova atyndaǵy ortalyq saıabaqta gúl shoqtaryn qoıý rásimi ótti. Oǵan Mánshúk Mámetovanyń týystary, ÚEU men saıası partııalardyń ókilderi, UOS ardagerleri qatysty.