Almatyda kemirgishterdiń taralýy: Ákimdik turǵyndarǵa jaýap berdi

ALMATY. QazAqparat – Almatylyqtar egeýquıryqtardyń kóbeıýine qatysty shaǵymdanyp jatyr. Osy oraıda ákimdik bul jaǵdaıǵa túsinikteme berdi, dep habarlaıdy QazAqparat tilshisi.

Áleýmettik jelilerde aryqtarda vıdeoǵa túsirilgen egeýquıryqtar jarııalanǵan.

«Egeýquıryqtar qala aýmaǵyna taralyp barady. Olardy ýlamaýdyń saldarynan sany kóbeıgen», - delingen jazbada.

Osy oraıda jeli qoldanýshylary egeýquıryqtar saıabaqtar men bazarlarda da kóptep kezdesetinin sóz etken.

Óz kezeginde Almaty qalasy Energotıimdilik jáne ınfraqurylymdyq damý basqarmasy atalǵan eskertýge baılanysty Mámetova-Ýálıhanov kósheleri qıylysynda kemirýshilerdi joıý jumystaryn júrgizýge tıisti tapsyrma berilgenin habarlady. Kelesi kúni tıisti óńdeý jumystary júrgizilgen.

Budan bólek, «Amanat Cleaning» JShS merdiger uıymy deratızatsııalyq jumystardyń birinshi kezeńin aıaqtaǵan.

«Bul jumystardyń ekinshi kezeńi bıyldyń qyrkúıek aıyna belgilendi. ıAǵnı osy jylǵy 30 qarashaǵa deıin jalǵasady. Qosymsha mobıldi brıgadalar tartyldy, olar turǵyndardyń shaqyrtýy boıynsha barady. Ótinimderdi Open Almaty portaly, áleýmettik jelidegi (basqarmanyń) paraqshalar men azamattardyń jazbasha shaqyrtýy boıynsha Energotıimdilik jáne ınfraqurylymdyq damý basqarmasy qabyldaıdy», - dep atalyp ótken basqarma jaýabynda.