Almatyda «KAZENERGY» qaýymdastyǵy keńesiniń 11 otyrysy ótip jatyr
Májiliske qatysýshalar Qaýymdastyqtyń 2010 jylǵy jumysy týraly esebin tyńdap, bıylǵy jylǵy josparlarymen tanysady.
Kún tártibiniń basty taqyryptarynyń biri Qaýymdastyqtyń munaıgaz salasyndaǵy servıstik qyzmetti damytý barysynda atqarǵan jumysy týraly bolmaq. Qaýymdastyq Keńesiniń músheleri KAZENERGY-diń Kásipkerlikti qoldaý jáne ınvestıtsııalyq jobalardaǵy qazaqstandyq úlesti damytý jónindegi Úılestirý keńesin qaıta qurý týraly máseleni qarastyrady. Osy Úılestirý keńesiniń quzyryna servıstik jobalardy damytý máselelerin qosyp berý josparlanyp otyr. Іri munaıgaz jobalaryndaǵy taýarlar men qyzmet kórsetýdiń qazaqstandyq úlesin arttyrý týraly «QazMunaıGaz» AQ UQ servıstik jobalar jónindegi Basqarýshy dırektory Maǵzum Myrzaǵalıev baıandaıdy.
Qaýymdastyq Keńesiniń músheleri «qazaqstandyq taýarmen jabdyqtaýdy, jumys jáne qyzmet kórsetýdi aldynala biliktilik baǵalaýdyń biryńǵaı mehanızmin qalyptastyrý jáne engizý» jáne «Teńizdegi munaıgaz operatsııalary kezindegi 2 dárejeli munaı tógilýi kezinde áreket etý jónindegi salalyq uıym qurý» týraly usynysty talqyǵa salady.
Keńes sonymen qatar, «Jabdyqtaýshylar forýmyn» ótkizý jónindegi máseleni qaraıdy. Bıyl Forým keshendi qurylǵylar men qosalqy bólshekter shyǵarý máselelerine arnalmaqshy. Qazaqstandaǵy munaıgaz kenishteriniń iri úsh operatory (Teńizshevroıl, Qarashaǵanaq Petroleým Opereıtıng, Nort Kaspıan Opereıtıng Kompanı) 2008 jyldan beri qyzmet kórsetýshiler men jabdyqtaýshylardyń birlesken forýmyn ótkizip keledi. KAZENERGY qaýymdastyǵy 2009 jyldan beri osy sharany uıymdastyrýǵa belsene atsalysady.
Otyrysqa qatysýshylar Qaýymdastyq músheleriniń tehnıkalyq qaýipsizdikti qamtamasyz etý jáne qyzmetkerlerdiń densaýlyǵyn jaqsartý men qorshaǵan ortany qorǵaý jónindegi jumystaryn talqylaıdy. Shell, Statoıl, QMG Barlaý Óndirý sııaqty iri munaıgaz kompanııa basshylary sóz sóılemek.
Qaýymdastyq Keńesiniń jumysyna memlekettik qurylymdardyń ókilderi qatysady. Otyrys barysynda KAZENERGY Qaýymdastyǵy men Indýstrııa jáne jańa tehnologııalar mınıstrligi arasynda Tehnologııalyq kelisimge qol qoıý josparlanýda.
«KAZENERGY» Qaýymdastyǵy 2005 jyldyń 2 qarashasynda qurylǵan. Búgingi tańda Qaýymdastyqqa múshe ári seriktes kompanııalar men uıymdardyń sany 54 ke jetti. Qaýymdastyq aıasynda 11 úılestirý keńesi jumys isteıdi. Qaýymdastyq keńesi Qaýymdastyq Tóraǵasy basshylyq etetin konsýltatıvtik-keńesshi organ.